Lynnies Naskool funksioneer op die skoolterrein. Die terrein word onderverdeel sodat maats van verskillende grade van mekaar geskei word. Graad RRR – R leerders speel op die kleuterskoolterreine, graad 1 – 2 leerders speel op die Mimosaterrein en graad 3 – 7 leerders speel onder op die grasnetbalvelde.

Smaaklike middagetes word op die skoolterrein voorberei. Die weeklikse spyskaart word elke Maandagoggend op klasgroepe uitgestuur vir u kennisname en beplanning. Versnaperings of koekies-en-koeldrank word om 15:30 bedien om die hongerpyne weer te stil. Dit sluit ‘n broodjie, vrug en koeldrank in.

In noodgevalle is ons net ‘n telefoonoproep ver! Ons ontvang dagbesoekers met ope arms, skakel dus vroegtydig om reëlings te tref.

Die meeste aktiwiteite vind op die skoolterrein plaas wat sekureit en kontrole vergemaklik.

Huiswerk word onder toesig voltooi vanaf 14:00 – 15:00, daarna is alle personeel op terreindiens. Daar is ‘n laathuiswerk-klas beskikbaar vir leerders met buitemuurse aktiwiteite.

Die graad RRR kleuters rus elke dag na ete in hul eie klasse en sluit om 14:30 aan op die graad R-terrein. Graad RR en R-kleuters neem nie ‘n middagslapie nie, maar u kan wel ‘n skriftelike veroek rig indien u sou verkies dat u kleuter in die middae moet rus.

Spel vorm die belangrikste deel van ons kleuters se middagprogram. Kleuters speel onder toesig van personeel in die sandput, op klimrame en by die verskillende speelstasies.

Die program funksioneer vanaf 07:15 – 17:30. Almal is welkom om in die pret te deel. Ingeskrewe naskoolleerders woon die program gratis by.

Elke dag word opwindende aktiwiteite aangebied bv. kuns, opvoedkundige-instappies, waterkaskanades en vele meer. Programme is beskikbaar ongeveer 2 weke voor die vakansie.